肝臟都好大壓力

現代人家庭、工作兩邊忙，就算真係累透，都要安頓所有事情先可以放心休息，呢個時候…嘩！過咗1點？！死喇～肝臟最佳排毒時間係晚上11點至1點，仲要係熟睡果隻先有最好效果，咁身體又積存多咗毒素係裡面，周而復始變成惡性循環，身體、皮膚會慢慢變差，例如口乾口苦、失眠多夢、出現粘便、無端感覺疲倦、煩躁、焦慮、指甲出現竪條紋等。 因此不論家庭、工作有幾忙，都記得要多飲温水，促進新陳代謝、幫助清走身體廢物，減少體內毒素積聚，降低肝臟負擔。如果時間、環境許可，只要於水中再加一物，會更有效咁達到養肝護肝效果。 1. 加紅棗：實驗証明持續一周飲用以温水泡發掰開、去核紅棗水，可達到養護肝臟、促進肝臟解毒及排毒。 2. 加檸檬：每天早上在還沒有進任何食物前喝一杯檸檬水，可以加強腸胃蠕動，排出體內宿便、毒素，另外檸檬酸可促使肝臟生成膽汁，緩解肝臟負擔。 3. 加金銀花：本身具有清熱解毒、通經活絡、抗菌作用，特別適合有口臭、便秘及經常飲酒人士飲用。 4. 加菊花：菊花有疏散風熱、平抑肝陽、清肝明目、清熱解毒功效，而且含有硒元素，可幫助修復肝臟。 5. 加玫瑰花：玫瑰花可疏肝解鬱、安神、消除疲勞，特別適合壓力過大、心緒不寧人士飲用。 以上係全天然養肝護肝食材，用温熱水浸泡非常方便，有需要人士可按照身體不同狀況飲用，維持健康狀態面對各種挑戰。